ရား.. ရား.. ရား..

ဟိုတစ်နေ့ကဆို နံနက်လေးခွဲမှ အိပ်ရာဝင်တာ.. နံနက် သူငယ်ချင်းတစ်ယောက် ပြန်မယ်ဆိုတော့ အဲဒါ လိုက်ပို့ ရမှာ လေဆိပ်ကို ၁၁ နာရီအရောက် ချိန်းထားတယ်လေ.. အဲဒါနဲ့ ၉ နာရီ နှိုးစက်ပေးထားလိုက်တယ်..

ဖြစ်ပုံက နှိုးစက်က မြည်နေတာ ကြာလှပေါ့ အိမ်မက်နဲ့ နှိုးစက်အသံနဲ့ သွားရောနေတာ.. အိမ်မက်ထဲမှာ ကားတွေ ပိတ်နေလို့ ကျွန်တော့်ကားက ရှေ့မှာ.. အနောက်ကကားတစ်စီးက နောက်ကနေ ဟွန်းတွေ အသကုန် တီးတာ ကားတွေပိတ်နေပါတယ်ဆိုမှ သွားမရတာ တွေ့တွေ့ကြီးနဲ့.. ပီးပီးပီး.. ပီးပီးပီး.. လာလုပ်နေတယ် ကျွန်တော်လည်း တင်းလည်းတင်း.. ဒေါသလည်းထွက်လာပြီး သူလုပ်သလို ပီးပီးပီး ပီးပီးပီး.. နဲ့အရွဲတိုက်ပြီးပြန်လုပ်နေလိုက်တယ်..

အဲဒါလည်း မရဘူး နောက်ကနေ ထပ်ပြီး တပီးပီး လုပ်နေတုန်းပဲ.. ကိုက စိတ်ကလည်းမြန်တာနဲ့ ကြာရင် လက်ပါ ပါသွားမှာစိုးလို့.. Hay man.. Why u ပီးပီးပီး ပီးပီးပီ behind me,u see all the way blocking, R lar mar... ဆိုပြီး စလုံးတွေပြောသလို လှန်းတုပ်ပလိုက်တယ်.. နည်းနည်းတော့ ကျေနပ်သွားတယ်..းP

ဘယ်ဟုတ်မလဲဗျ ဟိုတပီပီက နှိုးစက်မြည်နေတာ.. အဲဒါကို ကိုက ပြန်ပိတ်လိုက် ပြန်မြည်လိုက်.. ပြန်မြည်လိုက် ပြန်ပိတ်လိုက် လုပ်နေတာ.. နိုးလည်းနိုးရော ဖုန်းကိုကြည့်လိုက်တာ.. အော်.. သူခမျာ ငါ့ကိုလည်းနိုးရသေးတယ် ကလော်တုပ်လည်း ခံလိုက်ရလို့လေ စိတ်မကောင်းဖြစ်သွားမှာပဲ ဆိုပြီး တွေးနေမိသေးတယ်..။

ပြီးတော့မှ.. ဟာ.. ဟာ.. သွားပြီ.. နောက်ကျပြီ..အီး အဲနဲ့ ကမန်းကတမ်းထ မျက်နှာ ကမန်းကတန်းသစ် သွားကို ဘယ်သုံးချက် ညာသုံးချက် အပေါ်သုံးချက် အောက်သုံးချက် တိုက်ပြီးတာနဲ့ ပြေးရတော့တာပေါ့..။

ဟိုတစ်ခါလည်း အဒေါ်ကြီးတစ်ယောက် အဲလိုပဲ ဆွမ်းလောင်းဖို့ဆိုပြီး ဆွမ်းထချက်တာ.. ဆွမ်းက ကျက်သွားပြီး.. ဒါပေမယ့် မီးဖိုချောင်ထဲမှာ ဒူးနှစ်ဖက်ကို လက်လေးနဲ့ပိုက် ထမီကိုခြုံပြီး ထရံကိုမှီကာ ဇိမ်ကျနေတာ.. ကျွန်တော် ရောက်လာတော့မှ .. အဒေါ်ရေ အဒေါ်.. ဆိုပြီး လှမ်းအော်လိုက်တာ အော်လည်းအော်လိုက်ရော အဒေါ်ခများမှာ ရုတ်တရက်ထပြီး ခြုံထမီကို ကမန်းကတန်း ဝတ်ကာ ဆွမ်းခွက်ယူပြီး ဆင်းလာတာပေါ့.. ကျွန်တော်နဲ့ ဦးဇင်းက ပြုံးနေတာကို အဒေါ်ကြီး ရိပ်မိသွားတော့..

“ဟေ့ကျောင်းသားလေး.. ဘာပြုံးနေတာလဲ”

“ဟို.. ဟို.. အ. အ. ဒေါ်ကြီး အပေါ်အောက်”

“ဘာအပေါ်အောက်လဲ ဘာဖြစ်လို့လဲ ကျောင်းသားလေး” .. ဆိုပြီးတော့ အဒေါ်ကြီးက ငုံ့ကြည့်လိုက်တော့မှ ဆယ့်ခြောက်နှစ်သမီး ရှက်သွေးတွေ ဖြာသွားသလိုပေါ့..

“အိုးး)း)း)း) .. အားနာလိုက်တာ ဦးဇင်းရယ်.. ကောင်လေး.. နင်နော်နင်..းP” ဆိုပြီး ပြေးတော့တာပေါ့..။

အဒေါ်ကြီးက ထမီကို ထပ်ဆင့် အပေါ်အောက် မှားဝတ်လာတာလေ.. အဟိ.. အဟိ..းP (ကြုံလို့ ပြောပြတာလေ) နောက်ကြုံမှပဲပြောတော့မယ်.. လေဆိပ်မရောက်ပဲနေလိမ့်မယ်..။

အဲလိုနဲ့ လေဆိပ်ရောက်တော့ သူငယ်ချင်းကို လိုက်ရှာတာ.. မတွေ့တော့မှ ဖုန်းဆက်လိုက်တယ်.. ဘယ်တွေ့မလဲ ဘသားချောတွေက Terminal 1 နဲ့ 2 မှားသွားတာ.. ကျွန်တော်နဲ့ချိန်းရင် တစ်ခုခုကတော့ ပေါက်ကရ ဖြစ်တော့ တာပဲ..။

အဲဒါနဲ့ Check in လုပ်ဖို့ သွားတာပေါ့.. ကီလိုချိန်လည်းချိန်ရော.. “ဟိုက်”.. ငါးကီလိုတောင် ပိုနေပါရောလား.. ဘယ်တတ်နိုင်မှာလဲ တစ်ကီလိုတစ်ဆယ်နဲ့ ငါးဆယ် ထပ်မိတာပေါ့.. သူငယ်ချင်းက ကီလိုပိုအတွက် ပိုက်ဆံ သွားရှင်းနေတဲ့ အချိန်မှာ ကျွန်တော်က Check in လုပ်တဲ့ ကောင်တာဘေးမှာ ဟိုကြည့်သည်ကြည့်နဲ့ ရပ်နေတာ အဲဒီအချိန်မှာပဲ ပိန်ပိန် ညှပ်ညှပ် ကောင်မလေးတစ်ယောက် ရောက်လာပြီး..

“ဒီမှာ.. Excuse me, Where can i check in” ဆိုပြီး မေးတယ်လေ.. ကျွန်တော်ကလည်း ပြုံးစိစိလုပ်ပြီှးတော့မှ

“ ညီမက မြန်မာလား”

“ရား.. ရား.. ရား.. အယ်.. အို.. အင်း.. ဟုတ်ဟုတ် တယ်” ပြောပြီး ပြုံးစိစိဖြစ်သွားတယ်..။

ကျွန်တော်နဲ့ စကားပြောပြီး အိပ်တွေယူကာ Check in ဝင်တာပေါ့လေ.. ကျွန်တော်လည်း အမှုမဲ့ အမှတ်မဲ့ပါပဲ.. ပြီတော့မှ ကောင်မလေးက

“ကျေးဇူးနော်အကို”

“အေးအေး.. ရတယ်ညီမ”

“ညီမကမပြန်ဘူး.. ညီမအမပြန်မှာ အဲဒါလာပို့တာလေ”

“အေးအေး.. ညီမ”

“အကို.. ညီမ ပြန်အုံးမယ်နော်.. ကျေးဇူး အကို” ဆိုပြီး လှည့်ထွက်သွားတာပေါ့..။

“ကျား” တို့ သဘာဝအတိုင်း သိတယ်မှတ်လား.. ကောင်မလေး လှည့်ထွက်သွားတော့ ပြန်လှည့်ကြည့်ချင်တာပေါ့ မတတ်သာလို့သာ ဟန်ဆောင်ပြီး နေရတာ (ကျားစစ်စ်ဆိုရင် သေချာပေါက် ပြန်ကြည့်မှာပဲ) မကြည့်ဘူးဆိုရင် အနည်းဆုံးတော့ ခိုးကြည့်မိမှာပဲ..

ကျွန်တော်လည်း အဲဒီစိတ်လေးပေါ်လာလို့ ကောင်မလေး လှည့်ထွက်သွားတုန်း မသိမသာ ခိုးကြည့်လိုက်မိရော အဲဒီမှာတင်.. “ဟိုက်” ကနဲ့ ဖြစ်သွားရော..

ဟီးးးးးးးးးးးးးးးးးးးးးးး သူ့တင်လုံးလုံးလေးပေါ်မှာ အဖြူရောင် စာလုံးအကြီးကြီးနဲ့ ရေးထားတာ.. NOBODY ..တဲ့..။

ဟေဟေးးးးး ကောင်မလေးသာသိသွားရင် တရားစွဲမှာလား မသိဘူး...းP.. စာလာဖတ်ကြသော စာဖတ်ူသူအပေါင်းတို့အား ခင်မင်လေးစားစွာဖြင့် ..

စည်သူ။

ငါအိုသွားသောအခါ

ဒီရက်ပိုင်းအတွင်းမှာ ဘာမှလဲမလုပ်ဖြစ် ဘာမှလည်းမရေးဖြစ် ဘယ်မှလဲမရောက်ဖြစ်ပါဘူးဗျာ.. စိတ်ကလည်း လေတာပါတာပေါ့ဗျာ.. အဲလိုနဲ့ ဟိုရှာဒီရှာ.. ဟိုလှန်ဒီလှန်နဲ့ အသိမ်းလွန်ပြီး ပျောက်သွားတဲ့ စာရွက်လေးကို ပြန်တွေ့ သွားတယ်လေ.. တစ်ခါတစ်လေကျတော့လည်း ကိုယ်မလွဲမသွေ ဖြစ်ရမယ့် အရာတွေကို မေ့နေတယ်.. ဖြစ်မယ်မှန်း သေချာမသိတဲ့ အရာတွေကိုကျတော့ တမ်းတနေမိတယ်.. စိတ်ကူးယဉ်နေမိတယ်..

အနာဂါတ်ထက် ပစ္စုပ္ပန်က ပိုအရေးကြီးပေမယ့်.. အနာဂါတ်မှာ ကျိန်သေတာတစ်ခုကတော့ ကျွန်တော်/ကျွန်မ တို့ဟာ.. (သေမင်းက လက်ကမ်းမကြိုသရွေ့ပေါ့)..။


*ငါအိုသွားသောအခါ ငါဟာ အရင်ကငါမဟုတ်တော့ပါဘူး..။ ငါ့ကိုနားလည်ပေးပါ၊ စိတ်ရှည်ရှည်ထား ဆက်ဆံပေးပါ..။

*ချည့်နဲ့နဲ့ လက်တွေနဲ့ ထမင်းဟင်းတွေ အင်္ကျီပေါ်ဖိတ်စင်သွားတဲ့အခါ၊ အင်္ကျီ လုံချည် ဖိုသီဖတ်သီဖြစ်နေတဲ့အခါ ငါ့ကိုမရွံပါနဲ့၊ ငယ်ငယ်တုန်းက ငါသုတ်သင်ပေးခဲ့တာတွေကို ကျေးဇူးပြုပြီး သတိရပေးပါ..။

*အပ်ကြောင်းထပ်မက ပြောဖူးခဲ့တဲ့စကားတွေ ပြန်ပြောမိတဲ့အခါ စကားမဖြတ်ပဲ ကျေးဇူးပြုပြီး နားထောင်ပေးပါ.။ ငယ်ငယ်တုန်းက အိပ်ရာဝင်တိုင်း တစ်ထောင့်တစ်ည ပုံပြင်တွေ၊ ငါးရာ့ငါးဆယ်နိပါတ်တော်တွေ၊ ဇာတ်ကြီးဆယ် ဘွဲ့တွေ စတဲ့ပုံပြင်တွေကို မရိုးအောင်ပြောရင်း ငါချော့သိပ်ခဲ့တာတွေကို သတိရပေးပါ..။

*မလှုပ်ရှားနိုင်လို့ ရေချိုးဖို့ အကူအညီ လိုတဲ့အခါ ငါ့ကို မငြိုငြင်ပါနဲ့..။ ငယ်ငယ်တုန်းက ချော့တစ်လှည့်၊ ခြောက်တစ်လှည့် ရေချိုးပေးခဲ့ဖူးတဲ့ ပုံရိပ်လေးကို မြင်ယောင်ပေးပါ..။

*ခေတ်သစ် နည်းပညာတွေကို မသိနားမလည်ခဲ့ရင် မလှောင်ပါနဲ့..။ ငယ်ငယ်တုန်းက “ဘာကြောင့်” ဆိုတဲ့ မေးခွန်းတိုင်းကို စိတ်ရှည်စွာ ငါပြန်ဖြေခဲ့တာကို သတိရပေးပါ..။

*စိတ်သွားတိုင်း ကိုယ်မပါ နွမ်းလျပြီး လမ်းမလျှောက်နိုင်တဲ့အခါ ခွန်အားပါတဲ့ လက်တစ်စုံနဲ့ ငါ့ကို ကူတွဲပေးကြပါ.။ လမ်းလျှောက်သင်စ အရွယ်တုန်းက တစ်လှမ်းချင်း လမ်းလျှောက် လေ့ကျင့်ပေးခဲ့တာတွေကို သတိရပေးပါ..။

*တစ်နေ့ထက်တစ်နေ့ အိုစာသွားတဲ့ငါ့ကို ကြည့်ပြီး ဝမ်းမနည်းပါနှင့် နားလည်ပေးပါ..။ အားပေးပါ..။ အရင်တုန်း က လူ့ဘဝတက်လမ်းအတွက် ငါလမ်းညွှန်ခဲ့သလို အခုချိန်မှာ ငါ့ဘဝ နောက်ဆုံးအချိန်အတွက် အဖော်ပြုပေးပါ..။ ချစ်ခြင်းမေတ္တာနဲ့ အေးမြမှုတွေကို ငါပြုံးပြုံးလေး လက်ခံမှာပါ..။ အဲ့ဒီအပြုံးတွေထဲမှာ မဆုံးတဲ့ ငါ့မေတ္တာကို တွေ့ရမှာပါ..။

သားတို့သမီးတို့ရေ...... ထာဝရ ပျော်ရွှင်ချမ်းမြေ့ကြပါစေကွယ်.....။

အစ်မနိုင်းနိုင်းစနေ ဘာသာပြန်ရေးထားတဲ့ စာသားတွေ ဖြစ်ပါတယ်။ ဒီမှာ ကြည့်နိုင်ပါတယ်။

အဖေကို သတ်တဲ့သား (သို့မဟုတ်) အမေကို ချစ်တဲ့သား

မဟာပထဝီမြေကြီးကို နေမင်းကြီးက အလင်းဓါတ် ပေးစွမ်းနိုင်မှုအား လျော့နည်းလာတာနဲ့အမျှ တဖြည်းဖြည်းနဲ့ မှောင်ရီစပျိုးလာတာပေါ့..။ စန္ဒာလမင်းကြီးကလည်း နေမင်းကြီးကိုအံတုကာ တပြိုင်နက်ထည်း ထွက်ပေါ်လာချိန် ကျွန်တော်ကလည်း ဘီးအိုကြီးကိုဆွဲကာ အေးချမ်းလှတဲ့ ဟေမာန် ဆောင်းရဲ့အရသာကိုခံရင်း စန္ဒာလမင်းကြီးရဲ့ ရောင်ဝါနဲ့အတူ သီချင်းလေး တကြော်ကြော်ဖြင့် အပြင်ထွက်ဖို့ စိတ်ကူးနေချိန်မှာ...

“ဟဲ့သား.. သန်းအောင်.. ဘယ်သွားမလို့လဲ သွားပြီးရင်လည်း စောစောပြန်လာနော် မနက်ကျ အမေတို့ အစောကြီးထရအောင် မင်းအဖေက အားကိုးရတာမဟုတ်ဘူး.. တစ်နေ့တစ်နေ့ ဒီသေရေပဲသောက်နေတာ ဘာမှ အားကိုးရတာမဟုတ်ဘူး အမေတို့က နောက်ကျရင် သူများတွေအရင် ချိုးသွားအုံးမယ် အခုတလောမှာ မျှစ်ကလည်း ဈေးကောင်းတယ် စောစောပြန်လာနော် ကြားလား”

“အေးပါ အမေကလည်း ကျွန်တော်သိပါတယ်.. အမေ့ အဖေအကြောင်း ပြောမနေပါနဲ့ နားညည်းလွန်းလို့ မပြော လည်းသိနေတာပဲ.. ခဏပဲအမေကလဲ .. လက်ဖက်ရည်သောက်ပြီးတာနဲ့ ကျွန်တော်ပြန်လာခဲ့မယ်” ဆိုပြီး ဘီးအို လေးကိုနင်းကာ ကျွန်တော်ထွက်သွားလိုက်တာ အတော်လေးကိုကြာသွားတယ်..

လကလည်းသာတော့ မှောင်လို့ မှောင်မှန်းလည်း မသိဘူးဖြစ်နေတာ.. ကျွန်တော်တို့ကို နောက်ကျနေပြီး မြန်မြန် လုပ်ပါဟ စောသေးတယ် ဘာညာသာရကာပေါ့ဗျာ အမြဲပြောနေသလား ထင်ရတဲ့ လက်မှာပတ်ထားတဲ့ လောကစက်ဝိုင်းကို ငုံ့ကြည့်လိုက်တော့မှ တစ်ချက်ထိုးခါနီး ဖြစ်နေပြီးလေ...

ကျွန်တော်လည်း မနက်ဝမ်းရေးအတွက် ငွေရှာထွက်ရမှာမို့ ဘီးအိုကြီးကို ကဗျာကယာနင်းကာ “ လပြည့်ညမှာ ခဏတာတွေ့ရပေမယ့် လပြည့်ကျော်ကာသွားတော့ မျှော်မှန်းသမျှတွေ ဖြစ်မလာပါကွယ် လကွယ်ညလယ် ချစ်သူကို အပြေးရှာရင်းနဲ့ ပိုးစုန်းကြူးငယ်လေးလို ပူဆွေးကာပဲ အမြဲတမ်းတရှာတယ်” သီချင်းလေးညည်းရင်း ပြန်လာတာပေါ့..။

မိသားစု ဝမ်းရေးအတွက်မို့ အစောကြီးထရမှာဆိုတော့ အမေကတော့ အိပ်နေပြီးလေ.. ခြံပေါက်ဝကနေ လှမ်းကြည့်လိုက်တော့ အိမ်ရှေ့ ဝမ်ရတာမှာ... အဖေကတော့ ထုံးစံအတိုင်းပေါ့ ပုလင်းဘေးနားမှာ ခွေခွေလေး.. ကျွန်တော်လည်း ဘီးအိုကြီးကို အသာလေး ခြံထဲထည့်ပြီး အဖေ့ကို ပုဆိုးပြင်ဝတ်ပေး စောင်ခြုံပေး ခေါင်းအုံး ယူပေး.. အဲလို လုပ်ပေးရတာပေါ့ဗျာ.. တစ်ကြိမ်မကပါဘူး .. အမြဲလိုလိုပါပဲ...။

ကျွန်တော်တို့ အိမ်ကလည်း ဖက်မိုး ဖက်ကာ.. ပြီးတော့ အမြင့်ကလည်း ခါးစောင်းလောက်ရှိတာ ယိုင်တိယိုင်တိုင် ပြောရမယ်ဆိုရင်.. မကြီးမငယ်တဲ့ ဇရပ်သာသာပေါ့ဗျာ.. လမ်းကနေလှမ်းကြည့်လိုက်ရင် အထဲထိကို မြင်ရတယ်..

ဝိုးတိုးဝါးတားကြားလိုက်ရတဲ့.. တုန်း.. တုန်း.. တုန်း.. တုန်း.. ဆိုတဲ့ အုန်းမောင်းခေါက်သံနဲ့အတူ “ဟဲ့.. သန်းအောင် ထတော့ ဘယ်အချိန်ရှိပြီးလဲ အမေပြောတယ် စောစောပြန်လာပါဆိုမှ အမေ့စကားမှ နားမထောင်ပဲ.. ထ.. ထ.. သွား မျက်နှာသွားသစ်.. ပြီးရင်ဒီမှာ အမေထမင်းကြမ်း မီးဖုတ်ထားတယ် အဲဒါစားလိုက်”

ကျွန်တော်တို့ဘက်မှာက ဆောင်းတွင်းအခါမှာ မနက်စောစောထပြီး ထမင်းကြမ်းမီးဖုတ်၊ ကန်စွန်းဥမီးဖုတ်၊ အဲလို စားလေ့ရှိကြတယ်လေ...

“အမေရော မစားတော့ဘူးလား.. အဖေ့အတွက်ရော ရှိသေးလားအမေ”

“အဲဒီနင့်းအဖေ သေနာကောင်အတွက် လာမပြောနဲ့ သူ့မှာ သေရေရှိရင်ရပြီး နင်အသိပဲ ဘာမှမလိုတော့ဘူး မြန်မြန်သေလည်း အေးသွားတာပဲ.. သေကို မသေနိုင်ဘူး ဘာမှကိုသုံးစားလို့မရဘူး တနေ့တနေ့ သောက်လိုက် စားလိုက် မြိုလိုက် ဆို့လိုက် မူးလိုက် ရမ်းလိုက်နဲ့ အမျိုးမျိုးကို ဒုက္ခပေးနေတာ သူမသေပဲ ငါအရင်သေသွားလည်း အေးတာပဲ” ဆိုပြီ မနက်စောစော မေတ္တာပို့ တော့တာပေါ့.. အဖေဆိုတော့ ဂရုဏာသက်လို့ ကျွန်တော်က မေးမိတာလေ.. မေးမိတိုင်းလည်း အဲလိုပါပဲ ခုနစ်အိမ်ကြား ရှစ်အိမ်ကြား ကလော်တုတ်တော့တာပဲ..။

မျှစ်ချိုးပြီး ပြန်လာတော့လည်း မနားရပါဘူး.. ရောင်းဖို့အတွက် ရေဆေး အခွံချွတ် ပြီးတော့ မျှစ်ကို အစည်းလေး တွေစည်း.. ကျွန်တော်ကတော့ မျှစ်ကို ပြုတ်တာပေါ့လေ.. ကျက်ပြီးဆိုတာနဲ့ အမေက ဗန်းထဲထည့်ပြီး “မျှစ်ပြုတ် ယူကြအုံးမလား မျှစ်ပြုတ်” ဆိုပြီး ရပ်ကွပ်လှည့်လည် ရောင်းရတာပေါ့.. အဖေကတော့ ထုံးစံအတိုင်း မျက်စိ နှစ်ကွင် အလင်းရလာတာနဲ့ တစ်ပြိုင်နက် ပုလင်းကိုအရင်ရှာတော့တာပဲ...

အဲဒါတင်မကပါဘူး ပိုက်ဆံက ဘယ်နားနေမှန်းမသိ ပိုက်ဆံတောင်းဖို့ကလည်း အဖေက အလွတ်ကျက်ထားတာ မရရင် နည်းမျိုးစုံနဲ့ အမေ့ကို နှိပ်စက်တော့တာပဲ.. ရိုက်တာက တစ်မျိုး ဆဲတာကတစ်မျိုး မျိုးစုံပေါ့ဗျာ.. အလုပ်ကျ တော့လည်း အဖေက သောက်တဲ့အလုပ်ကလွဲလို့ ဘာမှမလုပ်ဘူးလေ...

တစ်နေ့မှာပေါ့ဗျာ.. ကျွန်တော် အပြင်သွားနေတုန်း လမ်းမှာ အဖေ့ကိုတွေ့တယ် ကျွန်တော့်ကိုတွေ့တာနဲ့ အဖေက “ဟေ့ကောင်သန်းအောင် မင်းဘယ်သွားမလို့လဲ”

“ဈေးဘက်သွားမလို့ အဖေ အမေက ဈေးထဲးက အဒေါ်တစ်ယောက်ဆီမှာ ပိုက်ဆံရစရာရှိလို့ သွားယူပါဆိုလို့ သွားမလို့ .. ဟိုနေ့က မျှစ်ရောင်းထားတာ ပိုက်ဆံ မရသေးဘူးဆိုလို့ပါ”

“မင်းအမေရော အိမ်မှာရှိလား”

“ရှိတယ် အဖေ.. အဖေပြန်မလို့လား ကျွန်တော့် စက်ဘီးနဲ့ပြန်လိုက်ခဲ့လေ”

“မင်းဘာသာမင်း သွားစမ်းပါ ငါ့ဟာငါ လမ်းလျှောက်ပြန်မယ်.. သွားသွား..” ဆိုပြီးပြန်သွားတာပေါ့..။

ကျွန်တော်လည်း ဈေးပေါက်ဝမှာ စက်ဘီးကိုအပ်ပြီး ဈေးထဲ ဝင်သွားတာပေါ့ဗျာ.. ပိုက်ဆံရစရာရှိတဲ့ အဒေါ်ကြီး နဲ့ စကားပြောနေတုန်းမှာပဲ ခေါ်သံတစ်ခု ထွက်ပေါ်လာတာ လှည့်ကြည့်လိုက်တော့ ရပ်ကွပ်ထဲက အဒေါ်ကြီး ဖြစ်နေတယ် .. အဒေါ်ကြီးကလည်း ရေးကြီးသုတ်ပြာနဲ့

“မောင်သန်းအောင် မောင်သန်းအောင် နင့် အမေနဲ့အဖေ ရန်ဖြစ်ကြလို့တဲ့ အဲဒါ မြန်မြန်ပြန်လိုက်အုံး”

“အဒေါ်ကလည်း အမေနဲ့အဖေက ဒါမျိုးဖြစ်နေကြပဲ ဘာဆန်းလို့လည်း တစ်ရပ်ကွပ်လုံးကလည်းသိတယ်”

“မဟုတ်ဘူး သန်းအောင်ရဲ့ မင်းအဖေက တုတ်ဆွဲ ဓါးဆွဲလုပ်နေလို့ .. မူးမူးနဲ့ဆိုတော့ မင်းအမေ တခုခုဖြစ်မှာဆိုး လို့ပါ သွားသွား.. မြန်မြန်လုပ်” ဆိုပြီးပြောတော့ ကျွန်တော်လည်း ခေါင်းတွေထူပူသွားပြီး အမေကို အရမ်း စိတ်ပူသွားတယ်...

အဒေါ်ကြီးပြောတဲ့အတိုင်းပါပဲ အဖေက မြေပြင်ပေါ်မှာ လဲနေတဲ့ အမေ့ကိုခွပြီး လည်ပင်းညှစ်နေတဲ့ မြင်ကွင်းကို ခပ်လှမ်းလှမ်းကနေ ကျွန်တော် မြင်လိုက်ရတယ်..

ကျွန်တော်လည်းအမေ့အပေါ် စိုးရိမ်စိတ်လွန်ကဲပြီး နင်းနေတဲ့ စက်ဘီးကိုတောင် မနင်းတော့ပဲ စက်ဘီးပေါ်ကနေ ခုန်ဆင်းပြီး အမေရှိရာကို အပြေးလိုက် ချလာတာပေါ့...

“အမေ))))))))))))).. အမေ)))))))))))))).. အဖေ ဘာလုပ်တာလဲ အမေ့ကိုလွှတ်... လွှတ်အဖေ.... အဖေ မလွှတ်ဘူးလား ... ကျွန်တော်ပြောနေတယ်နော် အဖေ... မလုပ်နဲ့ လွှတ်နော်အဖေ”

“ဟေ့ကောင် ခွေးမသား... မင်းကငါ့ကို ဘာလုပ်ချင်လို့လဲ ဟမ်း.. ပြောစမ်း မင်းကို ငါက မွေးထားတာ မင်းက ဘာလုပ်ချင်လို့လဲ”

ပြောပြောဆိုဆိုနဲ့ အဖေက အမေ့လည်ပင်းကို ဆက်ညှစ်နေတယ်လေ.. အမေလည်း မျက်ဖြူတွေလန်ပြီး အသက်ရှူ ရပ်တော့မယ် မြင်ကွင်းကို ကျွန်တော်မြင်လည်းမြင်ရော...

“ အမေ)))))))))))))))))))).. အမေ))))))))))))))))))))))).. အမေ))))))))))))))))))))))))).. အဖေ လွှတ်နော်
အဖေ)))))))))))))))))).. လွှတ်နော်.. ကျွန်တော် ပြောနေတယ်နော်အဖေ အမေ့ကို လွှတ်နော်.. အဖေ မလွှတ် ဘူးလား.. မလွှတ်ဘူးလား... အာာာာာာာာားးးးးးးးးးး ရော့ .. မလွှတ်နဲ့အုံး.. မလွှတ်နဲ့အုံး” ဆိုပြီး ဘေးမှာ အဖေ ချထားတဲ့ ဓါးကိုယူပြီး အဖေ့ရဲ့ ဇက်ပိုးကနေ သုံးချက် ကျွန်တော် ပိုင်းချလိုက်တယ်...

အမေက ဓါးကို အိမ်သာထဲ ပစ်ချလိုက်တယ်.. နင့်အဖေကို ငါသတ်တာလို့ ပြောမယ် ဆိုပြီ ကျွန်တော့်ကိုတော့ ထွက်ပြေးခိုင်းတယ်လေ..

ကျွန်တော်လည်း ထွက်ပြေးလိုက်တယ်.. နှစ်ရက်လောက် အကြာမှာတော့ ကျွန်တော်ကိုယ်တိုင် အဖေကို သတ်တဲ့အမှုနဲ့ ရဲစခန်းမှာ ပြန်ပြီး အဖမ်းခံလိုက်ပါတယ်ဗျာ..

တစ်ခါတစ်လေ ဖြစ်ရပ်တွေက အရမ်းကိုဆန်းကျယ်တယ်ဗျာ..။ လောကကြီးထဲမှာ အသက်ရှင်နေသရွေ့ ပေါ့ မဖြစ်နိုင်တာတွေ ဖြစ်လာတော့မှ ဟယ်.. ဟင်.. ဟာ.. ဟို.. အမယ်လေးနော်.. ဟုတ်ပါ့မလား.. ဟုတ်လို့လား.. သေချာရဲ့လား.. စတဲ့ အာမေဋိတ်အသံတွေနဲ့အတူ စကားသံတွေပါ ထွက်လာတာပေါ့ဗျာ..။ အဲဒါကြောင့် ပြောကြတယ်.. Nothing Is Impossible In The World ..။


။ ။ တကယ်တမ်း ပြောရမယ်ဆိုရင် မိဘဆိုတာ ဘုရားနဲ့ တသားတည်း ကိုးကွယ်အပ်တဲ့ အနန္တဂိုင်းဝင် ကျေးဇူး ရှင်ပါ..။ အနန္တော အန္တငါးပါးကို ဘယ်သောအခါမှ မပစ်မှားအပ်ပါဘူး..။ ဘုရား၊ တရား၊ သံဃာ၊ ဆရာ၊ မိဘ ပေါ့..။

အမိသည် ပည့်တန်ဆာ ဖြစ်လင့်ကစား မပစ်မှားအပ်ဟု ဘုးရားဟောထဲမှာ ပါပါတယ်...။ ကျွန်တော်သာ မောင်သန်းအောင် ဖြစ်ခဲ့မယ်ဆိုရင် အခုလို လုပ်မိလိမ့်လေမလား.. အတိအကျ မပြောနိုင်ပါဘူး..

မိဘဟာ မိပါပဲ.. သားသမီးဟာလည်း သားသမီးပါပဲ


ကျွန်တော်တို့ မြို့တွင်ဖြစ်ပျက်ခဲ့တဲ့ ဖြစ်ရပ်မှန်ကို ပြန်လည်သရုပ်ဖော် ရေးသားထားတာပါ...
နာမည်ကိုတော့ အစားထိုးထားပါတယ်....

လေးစားစွာဖြင့်
စည်သူ။

အချစ်၏ အဓိပ္ပါယ် ဖွင့်ဆိုချက်

ကျွန်တော်သိသော အချစ်ဆိုသည်မှာ ဆိုတဲ့ တဂ်ပို့စ်ကို ရေးပြီး နောက်ပိုင်းမှာပေါ့ဗျာ သူများတွေရဲ့ အချစ်ဆိုသည်မှာ ကိုလည်း လိုက်ဖတ်ကြည့်တဲ့အခါ အချစ်နဲ့ပက်သက်လို့... အတော်လေးကို နားလည်သဘောပေါက် သွားတယ်ဗျာ.. အချစ်တွေကိုလည်း အများကြီး ခံစားလိုက်ရတော့ ပိုဆိုးသွားတာပေါ့လေ..။

အချစ်ဆိုတာ ဘာလဲတဲ့.. ပြောရခက်ပါတယ်.. အင်မတန်မှကို ပြောရခက်ပါတယ်.. အဲဒီပြောရခက်၊ အဓိပ္ပါယ်ဖွင့်ရ ခက်တဲ့ အချစ် ကို ကျွန်တော် အဓိပ္ပါယ် ဖွင့်ပေးပါမယ်.. ကျွန်တော်အချစ်ကို တွေ့ရှိသွားပြီဗျာ..။

ပြောမှာသာပြောရတယ်.. လုပ်ပြန်ပြီး ဘယ်လိုပေါက်ကရတွေနဲ့ ရှင်းအုံးမလဲမသိဘူး ကြီးကြီးကျယ်ကျယ် သူကများ “အချစ်” ဆိုတဲ့ စကားလုံးကို အဓိပ္ပါယ် ရှင်းပြမယ်လေးဘာလေးနဲ့ ဆိုပြီး စာဖတ်ရင်း စာဖတ်သူနဲ့ ဘလောဂ့်ဂါ အကို အမတွေကတော့ ဒဲ့မပြောပေမယ့် စိတ်ထဲကနေတော့ မေတ္တာပို့နေမှာ သေချာတယ်..:P

ဒါပေမယ့် ဒီတစ်ခါတော့ အတည်ပြောမှာပါ..းP ကျွန်တော်ပြောတာ မဟုတ်ဘူး မမှန်ဘူးဆိုရင် ကျွန်တော့်ကို ကြိုက်သလိုလုပ်ဗျာ.. သရေကွင်းနဲ့ပဲ ပစ်သတ်ပစ်သတ် အပ်နဲ့ပဲ ထိုးသတ်ထိုးသတ် ကလိထိုးပြီးတော့သတ်သတ် အိုးးးးးးးးးးး ကြိုက်သလိုလုပ်ဗျာ..။

ကဲ... သိချင်နေပြီမှတ်လား.. သိချင်ရင် မပြောသေးဘူးဗျာ အရင်စဉ်းစားကြည့်..။

စဉ်းစားလို့မရဘူးလား.. မရဘူးဆိုရင် မစဉ်းစားနဲ့ဗျာ..းP


12 + circle + half of X = the middle of ten

L + 360ံ+ v = the middle of ten

L + O + V = 5

L + O + V = E

LOVE..

Ans.... LOVE

ညီမျှခြင်းကိုတော့ ကိုယ့်ဟာကို ဖြုတ်ချင်လို့ဖြုတ်လိုက်တယ်.. ဟီးဟီး

12 = အင်္ဂလိပ်အက္ခရာ စာလုံး၏ ဆယ့်နှစ်လုံးမြောက်စာလုံး L

circle = စက်ဝိုင်း 360ံ ရှိခြင်း အဲဒါကြောင့် O

half of X = X ကို တစ်ပိုင်းဖြတ်ပြီ အပေါ်ပိုင်းကိုယူလိုက်လို့ V ဖြစ်သွားခြင်း

ဟဲဟဲ.. The middle of ten = E ဖြစ်သွားတာကိုတော့ ရှင်းပြစရာမလိုတော့ပါဘူး ဒီလောက်ဆို သဘောပေါက်ရောပေါ့..းP

အတည်ပြောမယ်နော်....
အချစ်ဆိုတာ... အဓိပ္ပါယ် ဖွင့်ဆိုချင်သလို ဖွင့်ဆိုတယ်၊ သတ်မှတ်ချင်သလို သတ်မှတ်တယ်၊ ဖြတ်ချင်ဖြတ်တယ်၊ ဆက်ချင်ဆက်တယ်၊ လုပ်ချင်သလိုလုပ်တယ်၊ အဲဒီအချစ်ကလည်း ဖြစ်ချင်သလို ဖြစ်တယ်၊ ပုံပေါ်ချင်သလို ပေါ်တယ် အဓိပ္ပါယ် ရှိချင်သလိုရှိတယ်..။

တကယ်တော့ အချစ်ဆိုတာ ဖွင့်ဆိုသူနဲ့သာ တိုက်ရိုက် သက်ဆိုင်ပါတယ်..။
ကျွန်တော့်လို ပေါက်ကရ မဖွင့်ဆိုကြပဲ လှလှပပ အဓိပ္ပါယ်ရှိရှိ ဖွင့်ဆိုနိုင်ကြမယ်ဆိုရင်တော့....။

ပျော်ရွှင်ပါစေ
...................စည်သူ

ကျွန်တော်သိသော အချစ်ဆိုသည်မှာ

သြော်.... အချစ်.. အချစ်.. အချစ်..

အချစ်ဆိုသည်မှာ.. ဘာလဲပြောရရင် ကျွန်တော်လည်း မသိပါဘူး အသက်က ငယ်သေးတော့ နားမလည်ဘူးလေ အသက် ဘယ်လောက်ရှိပြီလဲလို့တော့ မမေးနဲ့နော် အသက်ကို သိသွားရင် ဆရာကိုတောင် ခေါ်မမှီပဲ ဖြစ်သွားမှာ စိုးလို့ပါ.. တာဝန်ယူနိုင်ဘူးလေ..းP ဟီးဟီး..။

အချစ်ဆိုသည်မှာ.. ပေးဆပ်ခြင်းလား.. ရယူပိုင်ဆိုင်ခြင်းလား.. ပျော်ရွှင်ခြင်းလား.. ဝမ်းနည်းခြင်းလား.. ဒါမှမဟုတ် ပူဆွေးခြင်းလား.. လောင်မြှိုက်ခြင်းလား.. ချိုသလား ခါးသလား.. ချဉ်သလား.. စပ်သလား.. ငံသလား ပေါ့သလား.. ခါးသလား ဆိမ့်သလား.. အဲဒီက စပြောရမှာပဲ.. မင်းမသိတော့ ဟိုမင်း.. ပြည်မသိတော့ ဟိုပြည်ဆိုသလိုပေါ့..။

တကယ်တမ်းတော့ အချစ် ဆိုတဲ့ ဝေါဟာရရဲ့ အဓိပ္ပါယ်ကို လူတွေက အမျိုးမျိုး ဖွဲ့ဆိုထားကြပါတယ်..။ တင်စားမှု တွေကလည်း လက်လှမ်းမမှီလောက်အောင်ကို မြင့်မားတယ်..။

အချစ်သည်သာလျှင် အသက်.. အချစ်သည်သာလျှင် ဘဝ.. အချစ်သည်သာလျှင် ဆေးဆစ်ခွက်.. အချစ်မရှိရင်ပဲ အသက်သေသွားတော့မလို အချစ်မရှိရင်ပဲ ဘဝပျက်တော့မလို အချစ်မရှိရင်ပဲ ဆရာဝန် မကယ်နိုင်တော့သလို အမျိုးမျိုးပေါ့ဗျာ တင်စားတတ်ကြပါတယ်..။

အိပ်လည်းမရ စားလည်းမရ.. ထိုင်လည်းမရ ထလည်းမရ.. သွားလည်းမရ လာလည်းမရ.. ဟိုလျှောက် ဒီလျှောက် တောင်လျှောက် မြောက်လျှောက်.. ဟိုလူ့ကိုရန်တွေ့လိုက် ဒီလူ့ကိုရန်တွေ့လိုက်.. ဟိုဟာကိုင်လိုက် ပြန်ချလိုက်.. ဒီဟာကိုင်လိုက် ပြန်ချလိုက်.. ဘီဒိုအံဆွဲကို ဖွင့်လိုက် ပြန်ပိတ်လိုက်.. Remote ကို ကောက်ကိုင်လိုက်.. တီဗွီကိုဖွင့်လိုက် ပြန်ပိတ်လိုက်.. ကိုးရီးယားဇာတ်လမ်းလေးကြည့်လိုက် ပြန်ပိတ်လိုက်.. ဟိုဇာတ်ကားပြောင်းလိုက် ဒီဇာတ်ကား ပြောင်းလိုက်.. အိုးးးးးးးးးးး အမျိုးကိုစုံနေတာပဲ..။

တစ်ကမ္ဘာလုံးမှာရှိတဲ့ Business Details တွေကို သူ့ရှေ့စာပွဲပေါ်မှာတင် လက်တစ်ဖက်မှာ ဘောပင်လေးချောင်း ကိုလက်ချောင်းကြားမှာညှပ်.. ကျန်တစ်ဖက်က အံဆွဲကိုဖွင့်ပြီး ဟိုနှိုက်ဒီနှိုက်.. ပြီးတော့ ရုံးဖုန်းကို ဘယ်ဖက်နားနဲ့ ခေါင်းလေးကိုစောင်းကာ ပုခုံးနဲ့ခေါင်း ညှပ်ပြီး နားထောင်.. ညာဖက်နားမှာက ဘီလူးတု တပ်ထားသေး.. ညာဖက် ခြေထောက်ကလည်း မမှီတမှီနဲ့ ခပ်လှမ်းလှမ်းက အမှိုက်ခြင်းလေးကို လှမ်းကလော်နေသေးတယ်.. အဲယားကွန်း အခန်းထဲမှာ လက်ဝဲရံ လက်ယာရံ အနေနဲ့ အသေးစား ဆိုင်ကလုန်းကလည်း စာပွဲဘယ်ညာ တစ်ဖက်ဆီကနေ တိုက်ပေးနေရသေးတယ်.. အဲလိုမျိုးကို ရှုပ်ရှက်ခတ်နေတာ..။

ဘာတွေဖြစ်နေလဲလို့ သွားမမေးရဲပါဘူး မေးလိုက်တာနဲ့ တခါတည်း ပိတ်ထိုးလိုက်လို့ ပဲခူးရောက်သွားဦးမယ်.. ပိတ်ကန်လိုက်ပြန်ရင် လက်မှတ်မဝယ်ပဲ မြင်းခြံရောက်သွားမယ်.. နောက်ထပ် ပိတ်တီးလိုက်လို့ကတော့လေ.. ကီးခုနှစ်ကီး တစ်ကီးမှ မကိုက်ဘဲ သံစဉ်ကြောင်နဲ့ နဖာချီးပါ ဂစ်တာတီးပြီးထွက်သွားလိမ့်မယ်..။

အော်... အချစ်... အချစ်... အချစ်... အဲလောက်ထိတောင်ပဲလား...

တကယ်တမ်းတော့ အချစ်ဆိုတာ နှလုံးသားက ပေါက်ဖွားလာခြင်း မဟုတ်ပဲ ဦးနှောက်က ပေါက်လာဖွားခြင်းဖြစ် တယ်လို့ ကျွန်တော်ယူဆတယ်.. ကျွန်တော်ကတော့ အချစ်ကို ရွေးချယ်ခွင့်ရခဲ့မယ်ဆိုရင် ဦးနှောက်နဲ့ပဲ ရွေးချယ် ဆုံးဖြတ်မှာပါ ..။ နှလုံးသားပုဒ်စာနဲ့ တွက်လို့ရတဲ့ အဖြေကို ဦးနှောက်ပိုင်းချေနဲ့ ထပ်စားလိုက်ရင် ညီမျှခြင်းရဲ့အ ခြားတဖက်မှာ တိကျတဲ့အဖြေ ရလိမ့်မယ်လို့ ကျွန်တော်ထင်တယ်..။

သူတို့တွေ ဘယ်လိုအချစ်မျိုးနဲ့ ချစ်ကြတာလဲ.. အချစ်ကို ဘာနဲ့ဆုံးဖြတ်ကြတာလဲ.. အချစ်ဆိုတာကရော ဘာလဲ.. အပေါ်က စာလုံးအပြာနဲ့ရေးထားတာမျိုးလား... အောက်က ပုံလေးတွေကိုကြည့်ပြီး ထင်မြင်ချက်လေးတွေ ပေးကြစို့လား..။

ပျော်ရွှင်စရာ မိသားစုကမ္ဘာလေးနဲ့ အချစ်ကို ခင်ပွန်းဖြစ်သူက ဦးနှောက်နဲ့ ဆုံးဖြတ်ထားခဲ့တယ်ထင်ရဲ့

ကိုယ်တစ်ပိုင်း မရှိပေမယ့် ဒုက္ခိတမိခင်အပေါ် သားဖြစ်သူက ချစ်ခင်လေးစားမှု အပြည့်နှင့်
ခင်ပွန်းဖြစ်သူရဲ့ယုယကြင်နာနွေးထွေးမှုပါ

တွဲလက်ခိုင်ခိုင်မြဲ ဆိုသလို ယနေ့မှစ နှစ်တစ်ရာတိုင်အောင်ပေါ့

့တွဲလက်မဖြုတ် လေးစားထိုက်တဲ့ ခင်ပွန်းရဲ့အချစ်စစ်နဲ့အတူ

“ဘာကြည့်တာလဲသားရဲ့ မင်းရဲ့ညီမလေးကို ချီမလို့လား ရော့ချီလေ”

မောင်ဘယ်သွားသွား မယ်ကိုခေါ်မယ်.. မယ်ကလဲ မောင်ဘယ်ကိုသွားသွား လိုက်မယ်
တို့နှစ်ယောက်ရဲ့ ခိုင်မြဲတဲ့ အချစ်နဲ့

အိမ်အပြန်လမ်းမှ ချစ်မေတ္တာကို မြင်မိတယ်

မက်မက် (Dream) Tag ထားတဲ့ “အချစ်ဆိုသည်မှာ” တဂ်ပိုစ့်လေးကို ဒီလိုလေးပဲ ရေးပေးလိုက်ပါတယ်..

Forward Mail ကရတဲ့ ဓါတ်ပုံတွေကို ကူယူဖော်ပြ ခံစားရေးဖွဲ့ထားတာ ဖြစ်ပါတယ်..

အားလုံးပဲ ကျေနပ်နိုင်ကြလိမ့်မယ်လို့ ထင်ပါတယ်

ခင်မင်လေးစားစွာဖြင့်
စည်သူ။

Disappointed Day

အား)))))))))))))))

စိတ်ရှိလက်ရှိ အော်ပလိုက်ချင်တယ်...

သူများတကာတွေ Sunday အလုပ်ပိတ်လို့ ဟိုလည် ဒီလည်လိုက်ကြတာ ကိုယ့်မှာတော့ ဒီည
အလုပ်ဆင်းရမယ်တဲ့ ဘာမှကိုလုပ်လို့မရတော့ဘူး... Night shift တဲ့... ကောင်းကြသေးရဲ့လား...

I want to cry
Don't ask me why

I want to shout in my minds
Don't ask me why

I don't want to lie
I asked my minds

Do u wish to die
Why... Why... Why...

ဘာလုပ်ရမှန်းမသိဘဲ စိတ်ဖေါက်ပြန်တဲ့နေ့...... စည်သူ